| تبليغات | X |
اورمودا دوزلی قیز
کاری نان کورلاری تانری پیس له دیر
بونلاردان حیوانی یاخشی بیلله دیر
باخان لی کورلارین قانمازلیقی وار
ائشیدن کارلارین آغری ایزی وار
کارینان کور اولان حققی دوشونمور
حقیقت وارینا شوکورون سالمیر
حسینی اولدورن قانماز لار اولدی
اونی یانقین ائدن نانکورلار اولدی
بیزیم بو مللتین نانکوری چوخدیر
شوکور سالدیرمئیان سای لاری چوخدیر
کولتور یانقین قویان داها نه قانیر
اورمو دوزلی قیزین جانینی آلیر !!!
خیانت قاپی سی آچیق لاشیب دیر
اورمودا گول واری ، دوزلاق لاشیب دیر
**
بسیج ( سازلانیش
)
بسیجی ساخلادان ، وارلیقین بارلادان
اولوسون توپلادان ،آخیم لار یارادان
گوجله نر هر زامان ، وارلانار چوخ اینان
دادلانار وار توتان ، شادلانار واری نان
کوتلمز ایتیلر ، بیچیلمز بیچدیرر
سینیلماز سیندیرار ، قاجلارین یئخدیرار
اریمز اریدر ، یانیلماز یاندیرار
پوزولماز پوزدورار ، قاجلارین سیندیرار
بسیجی ( سازلانیش ) گوجله نر
، گوجلری بلله نر
وارلیقی گورسه نر ، قاجلاری گیزله نر
پوک اولماز برک اولار ، یورولماز ایش
سالار
وارلیقی قوزادار ، کرامت آلدیرار
اوزولمز اوزدورر ، قیریلماز قیردیرار
داغیلماز داغیدار ، طاغوت لار سیندیرار
اویره نیش کورسه در ، وارلیقین بسله در
کولتورون ائینه در ، حقیقت بیلله در
آزقین لیق پیس له در ، تانیق لیق بلله در
بسیج ( سازلانیش ) بیر آیه دیر ، ارن لر گورسه دیر
اولوس لار بیلله دیر ، وارلیق دا گورسه دیر
سازلانیش هر زامان ، قالماقا وار اولور
دایانیش هر زامان ، وارلیقی ساخلادیر
سینان لار سلطه یه ،وارلیق دان آیریلیر
بسیجی اسلامدا وارلیقی ساخلادیر
***
ثارالله وار
هاممی لیق سوی سسینی ئولکه میزده
سالمالییق
آیریلیقدا آیریلیب دنیز لرده قالمالییق
دامجی لار دنیز ایچینده ، دنیز جه آدلانیری
سویلارین واریندا کیمسه سویوینان بارلانیری
ثارالله دئین کیمسه لر هابیلین یولوندا دیر
قابیللر یولی بویولدان بللی دیر که آییری دیر
ثاردئین سویلار آلار قصاص لارین
قایتاراتر سلطه لرین باشلارینا آغری لارین
یاغدیرار سلطه باشینا اوزونون وارلیق لارین
یارادار وارلیق دنیز جه سلطه یه دالغالارین
بئله سوی وارلیقیندا قالماق لیقا تک ، یوخدیر
تک لرین باغلی لیقی بیر بیر لرینه چوخ دیر
بیر کیمسه وارلیقی نین قصاصینا سوی قالخار
قاج لارین وارلیقینین وارلارینا قاج یارادار
حققی ساخلاد ماقا سوی دا داها ثارالله وار
تاریخین بوی لاری جا ، ثاراللهین وارلیقی وار
حق وباطل تانیدیر کیمسه لره بیر بیرلرین
حق یولی پارلاندیریر سوی لارا اوز سئونلرین
حق یولی بی خیاللار وارلیقی نان وارلانماز
دامجی لار سئوگی اوچون بیر بیرلرین اولماز
***
تعصب
تعصبا تعصب دوشونوشدن اولاندی
یوخسا قاجلار وارلیقی ، وارلیقی اودلاداندی
طاغوت باطل یولوندا چالیشماسین سالاندی
حق یولوندا چالیشان تانری یولون توتاندی
تانری تعصب د ئییر اوز یولونی توتانا
گوزللیک لر وئردیریر اوز یولوندا قالانا
فطری پایلار هاممی سی تانری وئرن پایدیلار
شوکور لری سالانا تانری پایین آرتیرار
حق یولونا تعصب عدالتی ساخلادار
کیملیکین نن آیریلان تعصبی قورودار
کیملیک لردن آیریلماق یول دیر اوزون دانانا
اوز وارلیقین بوراخیب سلطه لره سینانا
بیر تانریا سینان لار سلطه لره سینمازلار
تعصبون وارینان توپلوم لاری سالار لار
***
1
اینجه ایین 3
سوز باغی نین وارلیقین اینجه ایین ساخلامیر
اولوس لارین کولتورون اینجه ایین سازلامیر
فطری پایلار وئریب دی تانری شوکور ایستیری
شوکور دئین اولوس لار وارلیق لارین بیلیری
اینجه ایین نانکورلوق سوز باغینا سالماسین
اینجه لیگی سوزونده بوروشوقا قویماسین
یئکه یئکه سوزلری بوروب هوروب دئین لر
اوزلوک لرین باغیندا وئرنیخماقی سئونلر
باخین اوزگه کولتوری نئجه اونا گولوری
اونی اویون جاق ائدیب کولتورون نن ائدیری
اینجه ایین دئمه سین توپورماقی هونر دی
اینجه ایین دئمه سین دنیا سوزون سئور دی
اینجه ایین بیر باخسین کولتوری نمنه ایستیر
نقصان لیقلار نمنه دی اولوسی نمنه دئییر
***
اینجه ایین
4
اینجه ایین دئمه کی اینجه لی سوزلرین وار
اینجه ایین باخما سن اینجه لی بیر بئلین وار
ملاک ائدیب اوزویون اوز گوزونده سازلاما
خوروز اولوب هر چاغدا واقت ، واقت سیز بانلاما
دولانماسی حیاتین سنین سوزون نن اولماز
اولوس لارین وارلیقی سن لری نن ساخلانماز
هندی خاللی اوزوین نئجه باخار آلدانار
اوزگه لرین ئولکه سی یالان سوزه پایلانار ؟
خوش خیاللیق سنی نن وارلیقینا چاتماسین
سنه باخان کیمسه لر اوزلوک لرین اتماسین
اینجه ایین بیر باخیب سن اوزویون تست ائله
ساخلا سوزی آغزیندا بیر سوزویون تست ائله
خیانتی سالانی اولوس لار تانییان دی
خائن لرین وارلیقی اولوس دا پارلانان دی
***
سوچسیز قوروما 2
قیرت اولسا ، دوشونوش ، ثار اوزون گورسه داجاق
سویوموز ضجه لرین اوزلوکونده بیلله داجاق
خائن لر وارلیقی نین تیکانلارین توکدوره جاق
اولوسون کولتورونون ئولچولرین بلله داجاق
اولوسی تیکانلی گول انداملاری آللا دماز
اولوسی یالتاقلی لار وارلیق لاری کورلاد ماز
نییه که ثار اولوسدا تانری سوزون دیلله داجاق
قانا قان ، کیملیکه کیملیک ، سوزونی دیلله داجاق
بو حسین قافله سین حق یولوندا پارلاداجاق
حسین لر ثاراللهی سون چاغا جان گورسه داجاق
هابیل دن بو باشلانان آیدین لاشان حق یولی دی
هابیل دن گلیب چاتان حسینه ثاراللهی دی
اولوسون ثاراللهی ایندی حسینین یولی دی
بو اولوس کولتورونون قالماسی نین بیر یولی دی
بو اصیل قورومادی اولوس دا سوچسیز قوروما
فرعون لار سلطه سین نن بو مللته پاک قوروما
ساده سوز دگیل قان لاری نان بو ساخلانیب
باکری لر وارلیقی ثاراللهی نان پارلانیب
ایندی بو قالماقدا دا خائن لرین ایز لری وار
اولوسون وارلیقیندا باخیشلاری سوزلری وار
اولوس دا ثار قاباغین خائن لری آلدیریری
اولوسون قالخیشینی ظالیم لره ساخلادیری
***
سوزه سوزی قوشانلار
سوزه سوزی قوشانلار اوتانسینلار اولوس دان
ساری تئلی توتانلار دئسینلر بیر وارلیقدان
کیملیک ، وارلیق ، قانسینلار سلطه یه سینماسینلار
اوزلوک دادین دادسینلار خمار گوزی آتسینلار
سوزه سوزی قوشانلار چیخارلارین قانمازلار
اولوس لارین آغری سین خیرداجا دا دادمازلار
سوزه سوزی قوشانلار سلطه لره سینارلار
سلطه لره سینان لار خائن لیقی توتار لار
خائن اولان کیمسه لر اوزلرینی بیلسه لر
اولوس دا اوز یئرلرین وارلیق لارین گورسه لر
خیانت دن ال چکیب حقیقتی توتار لار
مفکوره نین یوللارین وارلیق لارا آچار لار
آمما خیانت ائدن گوزلرینی باغلادار
حقیقته گوز یوموب شیطانلارا باغلانار
خائن لیقی سالانلار اوخور لاردا یاشار لار
اوخورلاردان قوزانیب گئنه اوندا یاتار لار
اوخورلاری ساخلاماق خادملیقی ایستیری
خادم لیق دا قالان لار خیانتین ائدیری
آزادلیقین خائنی طاغوت لارا سینان دی
طاغوت لارا سینان لار شیطانینان قالان دی
***
شهریاری سئویر سیز
من دئییرم سیزلره سیز سالاسیز سوزلره
کولتور چیخا اوزلره گوروم گله ایز لره
من بیلیرم بیلیر سیز بیلیم لی سوز دئییر سیز
شهریاری سئویر سیز سئویلماقین ایستیر سیز
بیر کیمسه دی شهریار کونول دولی دویغوینان
چوخ یاپیر دی شهریار دولی اویود سوزینان
بو دنیانین وارینی نوحدان قالان بیلله دیر
یالان دنیا اولماقین کیمسه لره بلله دیر
اوزلوکونی سئویر دی سوزلرینده بللی دیر
قاج تانیماق دئمیر دی یازقی لاری گورسه دیر
فردوسونون یانیندا قویساق بیزه بیلله نر
فردوسودا ساواشماق تورک لری نن گورسه نر
تورک لر نییه سینیب لار؟ اوستونلوک توتمویوب لار!
اوزگه لرین وارینا داهاجا آرتیریب لار
اوز وارینا باخمئیب اوزگه نی برکیدیب لر
گاهدان اوزون داندیریب وارلیقدان اندیریب لر
محمد تقی جعفری بویوک بیر عللامه دی
کوچماق لیقی دنیادان تانری یولون بلله دی
ایندی اوننان قالان لار آییری دیلی توتوب لار
کوکدن قیریب آرخالیق آییری سین نان آلیب لار
بونجاق بئله اولوب دی تعصب ساخلامئیان
ساخلادانماز کیملیکی سویلاریمیز دا اینان .
***
علی دویوش لرده
عومرونون چوخوندا دویوشی گوروب
دویوشی افتخار اوزونه بیلیب
اولوسون داننایب قورخان اولوب لار
دویوشدن قاچماقا یول آختاریب لار
راحات جا سینان لار حسابا گلمز
دویوشدن قاچانلار کیملیک بیلدیرمز
اولوسی ساخلادان شهیدلری دیر
وارلیقی بارلادان ایگید لری دیر
ایگید دیر سویونا آرخالیق سالار
قاجلارین کولگه سین سویون نان آلار
قاجلارا سینان لار ایگید توردمز
اوزلرین دانان نان خائن لیک گئدمز
خائن لر ایلکده اوزلرین دانار
سونرادا خیانمت سویونا سالار
کیشی یه بنزر لر کیش اولماز لار
اخلاق دا اوشاق دان اوستون اولماز لار
***
فطر بایرامی
بیر آی اوردوگاه سازلانیش وئریب
وارلیق باغینا پاک لانیش دئیب
وارلیق آیه دیر تانری بیلدیریب
شیطان وارلیقا قاجلیقین دئیب
تانری شیطانی بیلله دیب بیزه
طاغوت سلطه سین گتیریب سوزه
آزادلیق سئویر انسان اوزونه
تانری استه دیر، بنده اوزونه
آمما سلطه لر آییری سوز دئییر
تانری یئرینه ، اوزون وئردیریر
سویلار تانریدان پایلارین آلیب
سلطه حققاسین سویلارا سالیب
تالان سالماقا آلدادیش سالیر
سویلار کولتورون اونلاردان آلیر
بیر آی اوردوگاه شوکور اویره دیر
نانکورلوق یولون داها پیس له دیر
شوکور وارلیقا وارلیق آرتیرار
سویلار کیملیکین اوندا ساخلادار
فطر بایرامی سئوینج گونی دیر
بیر آی ایشلره ایشلیک گونی دیر
فطر بایرامی بیرلیک گونی دیر
فطره یوخسولا بو گون پایی دیر
طاغوت بیزلری یوخسول ائدیب دی
کولتور وارینی بیزدن آلیب دی
فطره بیزلردن کولتور ایستیری
دایاق سویلاردان بللی سئویری
فطر بایرامی موبارک اولسون
سویلار وارلارین طاغوت دان آلسین
***
دوزلی قیز اورموگولی
دوزلی قیزین ایکی سویوق قارداشی
اورمو تبریز بوباش او باش سر داشی
ایکی قارداش بیر باجی دا گوزی یوخ
وارلیقینا نمنه دئسین سوزی یوخ
اورمیه دن دوزلی قیزین پایی وار
تبریزدن دا قالماقینا حققی وار
هئچ بیریسی دوزلی قیزا چالیشمیر
وارلیقینا شانلیکینا قاتیشمیر
دوزلی قیزین دوداقلاری قورویوب
گوز یاشلاری کیرپیک لری قورویوب
اولوسوموز چاره ائدمیر باخیری
گوز دنیزی اونی کویر تانیری
سمایه باخماق انتظار بیلله دیر
دوزلی قیزدان سون رمقی گورسه دیر
دولت چی لر فرق قویوب ایشله میر
آراز خانیم دوزلی قیزی امدیرمیر
آراز خانیم سنه قوربان کیم اولسون
کارون اولسون کرمان اولسون کیم اولسون
ایسلادیری کارون کرمان دوداقین
سنده گتیر دوزلی قیزین حیاتین
آراز خانیم دز چایینا باخیش سال
قم شهرینه نئجه دادیر باخیش سال
دوزلی قیزین قوری دوداقین ایسلاد
وارلارین نان بو یوخسولا بیر یوللاد
بو یوخسولون ئولماقی اوندا قالماز
ئولوم اوننان قایناق توتار ساخلانماز
دادار سویلار بوقایناقی قورتولماز
چاره قیلسا ایندی بوسوی داغیلماز
آجی نیت داغیلماقا سالیب لار
گئچمیشلرده بوردان هجرت توتوبلار
سوی قاجینا طبیعت یاردیم ائتمه
دوزلی قیزین ئولومونی گتیرمه
خیانتی سالان لار
خائن خیانت سالار دوشمن اونی ساخلادار
خائن سویون آلدادار قاج خائنی وارلادار
خائن اوزون بویادار قاج دا اونی قوزادار
خائن بیلیم اویره نر قاج دا اوننان توره نر
خائن یاخشی یئر توتار سلطه اونی برکیدر
خائن باشچی لیق توتار قاجلار سلطه سین سالار
خائن ایکی اوزلی دی ایچ ائشیگی آیریدی
خائن خیانت بیلیر خیانتین نن یئییر
خائن حقیقت دانیر مصلحتی ساخلادیر
خائن یزید اولاندی حق یولونی توتاندی
خائن سلطه سئوندی توده یه ظلم ائدندی
خائن سوزون آچاندی اصیل سوزی پوزاندی
خائن اورتوک ووراندی گیزلین حققا سالاندی
خائن بللی اولاندی شیطان کیمی قالاندی
دنیا سئون بنده نی شیطان راحات سیندیرار
اوزون دانان کیمسن نی شیطان دایاق توتدورار
شیطان آییق قالاندی خائن نن بیر اولاندی
خیانتی سالانلار حسینی ئولدوردولر
عاشورانین وارلیقین تاریخ ده بیلدیردیلر
جهاد اقتصادی
جهاد اقتصادی وار سالاندی
حیات یولون سویوموزا آچاندی
دوزلی قیزین حیاتی اوننان گئدیر
هانسی بوردا اقتصاد بونی بیلیر!
دوزلی قیزین حیاتی اقتصاد دی
ئولوم گلسه بونا هر نه ممات دی
جهاد اولسون باغلانسین اقتصادا
پارلاق حیات پای گتیرسین سویلارا
دام یئخیلیر ایوان بزک ائدن وار
قیز ئولوری دیناقا لاک یاخان وار
ئولوم گلسه اقتصادی ساخلاماز
سهراب ئولسه نوشدارو فایدا سالماز
جیلو لوقدا بوردا قیریم واریدی
تهران اوچاغ اوزاق لاردان باخیردی
باخیش سالدی یاردیم بیزه اولمادی
گئنه قیریم گلماقینی قانمادی!
سوی قاجلاری آجی نیت توتماسین
آجی باخیش بووارلیقا سالماسین
بو وارلیقین دادلارین نان یاشیر لار
نعمت گوروب نانکورلوقی سالیر لار
جهاد اقتصادی آخیم اولسون
حیات وارین اراز چایین نان آلسین
دوزلی قیزین حیاتینی ساخلاسین
بوللی نعمت هاممی لارا پایلاسین
واحد پول ملی
واحد پول ملی تومن اولسون یاخشی دیر
بو واحدین سس لری قولاق لارا تانیش دیر
چوخلی چاغدان بو واحد دیللرده دیلله نیب دی
بوتون ایران ایچینده بو واحد دیلله نیب دی
نییه آییری بیر سوزی بونون یئرینه قویاق
نییه آییری بیر آدی یاخشی یئرینه سالاق
تومان بللی اولونموش ایرانلییا بللی دیر
چوخ دا اسکی چاغلاردان بئیین لرده سسلی دیر
ایران دا پول واحدی تومان اولوب اومان دیر
***
ایرانلی بیر تورکم من
دیل وطنیم ایران دی کولتور وطن بورادی
وطنیمی آتمارام اوزلوکومی دانمارام
ایران بوتون بیزیم دی ساییمیز دا ایران دی
جانیما جان قاتیب دی وطنه جان قوربان دی
آنا وطن ، سن اینان
افتخاریم اولوب سان
فخر مایاسی منیم دی
افتخاری سوزوم دی
منیمسه ماق ایشیم دی
اوز دیلیمی ساخلارام
چالیشارام بارلارام
وارلیقیمی آرتیر رام
آرتیر ما اوندا اولسون
ملی وارلیق ساخلانسین
گله جکده بارلانسین
یازقی دیلیمده اولسون
هر نه اوننان بللنسین
سوزلر اوننان گورسن سین
دوشونجه دن قاچمارام
بیلگین لری خوشلارام
آنا دیلده توشلارام
سوز وطن ده سازلارام
آنا وطن دیلیم دی
کولتور وطن جانیم دی
کولتورده دیل قانیم دی
دیل قانیمی قورودمام
وارلیق باغین یاندیر مام
سوزلوک باغینی ساتمام
ساخلارام وارلیق لاری
بارلادارام اونلاری
کوچوررم اوزگه لری
بسله رم آنا دیلی
آنا دیل دی وطنیم
ایران دی بوتون منیم
ایرانلی بیر تورکم من
***
شاعیر کیم دیر
4
بیر کیمسه دیر تانید دیریر کیمسه لره وارلیقین
بیر کیمسه دیر بیلدیریر کولتوروموز ایشیقین
بیر کیمسه دیر دیندیریر سوزلوکوموز باغلارین
شاعیر گورسه دیر یول ، یول آزانلارا
شاعیر تانیدیر وارلیق ، وارلیقین اونودانلارا
بیر کیمسه دیر حقی پارلاق لاشدیریر
بیر کیمسه دیر تایانی آنادان آیریدیر
بیر کیمسه دیر مللته دایاق لیق سالدیریر
شاعیر سئومه لی ائدیر اوز آناسینی
شاعیر ساخلادیر کیملیک بقاسینی
دنیادا هر بیر قوش سئور باسینی
ساخلادار یووادا بویودر بالاسینی
اوچماق لیق اویره در اوچودار بالاسینی
شاعیر ده اوچماق لیق یوللارین دئییر
کولتوردن سویلارا قاناد وئر دیریر
دوزگون اینام و پوزولماز خصلت واریدیر
سوزلرین پولا و آییری زادا ساتمامالی دیر
تکجه سوزه دوگون ووروب قافیه دوزمامالی دیر
شاعیر توده لر اویره دنی خالق بایراق چی سی دیر
شاعیر ملی اردم و شاخصیت صاحابی دیر
بو ملی شخصیت مستقل اولمالی دیر
آچیق جا سی بیر کیمسه اجیر اولمامالی دیر
حق یولوندا شاعیر جان مایاسین قویمالی دیر
سوفرالار باشیندا شاعیر کئچیل مه سین
مرام و عقیده ساخلاسین ایتیر مه سین
***
بو شرف پالتاری دیر
کیمسه نین اوز وارلیقی اونی آلچاق ائیله مز
حققه دایاق لیق لارین کیمسه یه اسکیک دئمز
آتا آنا اویودی نقصانا یول بیلدیرمز
مللتین اوز کولتوری کیملیکینی سیلدیرمز
کیمسه نین آنا دیلی اونون ملی بایراقی
ملی بایراق ئولکه نین شرفی نین دایاقی
سلطه لر یول آچماقا ایشلری دیل یوماق دیر
سوی دیلینی یوماقدا خریطه لر سالدیریر
اونلار بوایشلرینده دانماقی یاردیم ائدیر
سلطه نین اوز دیلینده سوز قوشانا خوش دئییر
بیزلرده منیمسه ماق اولسا اونا خوش دئمیر
آلچاق لارین کونولون بیر گولوشه خوشلادیر
سویوموز ، آنا دیلی اونلاردا قالمالی دی
شرفیمیز پالتاری ئولکه ده اولمالی دی
ملی وارلیق بایراقین قیزیل قانلار ساخلادار
شهید لرین وارلیقی حیات لاری پارلادار
آنا لار قیچلارینی بهشت اوسته ساخلادار
آتا ، آنا دیل وطن حورمتینی آرتیرار
سویوموز خائن لری توپراق لارا باتیرار
سویوموزون آغری سین خیانت لر آرتیرار
خیانتین جزاسین خائن اولان لار دادار
دیل شرفی کورلانیش خائن لری نن توتار
دیل شرف پالتاری دیر سوی ایچینده قالاجاق
آنا دیل وارلیقیندا کولتورونی سالاجاق
***
ایستی سو
ایستی لیک سئونلرکونول باغلادیر
کروان لار یوللارین وارلیقا آچیر
هاممی لار وارلیقین تانریدان آلیر
قایناقلار جوشور وارلیقین سالیر
آخیم لار آخینی گوزللیک دئییر
خسته لر ساغلاملیک یولونی سئویر
آداخلی حیای نان یاناق قیزاردیر
واریندا سویلاردا سوز بیرلیک واردیر
هاممی نین سوزلری بیر گوروم دئییر
خریطه ، برنامه یازیب بیلدیریر
ایستی سو ایچینده شانلیک ساخلادیب
ارنلر کونولی ، سئوگی بارلادیب
آداخلی قیزلاردا کونول پارلادیب
وارلانماق بورادان یولونی تاپیب
***
سو
شاعیر کیم دیر جناب مصطفی
شاعیر کیم دیر سوز بوخچاسین آچمیشام
گوز ئونونده سویوموزا یایمیشام
سوز بوخچاما یاخینلاشیب باخیب سان؟
سن اوخویوب سوزلریمی دادیب سان؟
اوخومامیش جبهه نییه آچیب سان
قاشا باخیب گوزه ماققاج ووروبسان
مومن کیشی سن ده گتیر بوخچایین
شاعیر کیم دیر آچدیر گینان سوفرایین
آنا دیلده یازدیقلارین بیللنسین
سویوموزون وارلیقیندا گورسن سین
قوی سنین ده سوزلرین بارلی اولسون
سوز کوزه سی ملی وارلیقدان دولسون
آنا دیلی بیر آیه دیر بللی دیر
نانکور اولان جماعتی سس له دیر
اوزگه لردن بورج آلماقی بوراخین
آنا دیلده سیزده کرامت تاپین
بو وارلیقین سوفراسی دی آچیلیب
بو آنا دیل وارلیقی دی یایلیب
سنده آنا دیل سوفراسین آچایدین
سویوموزدا گوز ئونونه سالایدین
اوندا سویون باخیشلاری بلله نر
نظر وئره ر ده ییرلی سی بیلله نر
اوزگه دیلده سوزومه آد قویمایین
تورکی سوزه تورکجه ده سوز یایین
جناب مصطفی قلی زاده ، سن
من ایستیرم نظریین بیلله دن
آنا دیل وارلیقی شوکور ایستیری
نانکور اولان کفر سوزون دئییری
***
شاعیر کیم دیر
3
غیبی لری ، اولای لاری گورسه دن
ملی وارلیق بایراقینی ترپه دن
گوزگو تک یوخ آرتیق جا دا بیلله دن
حقیقتین یوللارینی دیلله دن
شاعیر بو دیر کورلوق لاردا قالماسین
کورام کورلار ایچینده ، سوز دئمه سین
گوجلی لره یالان لاری سوزمه سین
اوتوزجا ایل یالان نان سوز دوزمه سین
بیر خالا دا ئولکه لری وئرمه سین
سویدا شعور آنلاق لاری بسله سین
حق یولوندا یئریش لری بسله سین
حق سیزلری قوروماق دا اولماسین
پول و شهرت اوچون سوزون سوزمه سین
قورخولی یول اولسا گئدسین دورماسین
اورنک اوچون حسین دئسین قالماسین
مظلوم لاری ظالیمه سیندیر ماسین
عدالتین یوللارینی بلله سین
فرعون اولان عدالتی بلله مز
سلطه سالان آزادلیقی ایسته مز
بورالاردان شاعیر ایشی چتین دیر
اونون اوچون حق ساخلاماق بللی دیر
تانری اوزی حق یولونی سئوندی
تانری اوزی عدالتی دئین دی
تانری اوزی فرغون لاری بوغاندی
یاخشی آل وئر شاعیر اولان سالاندی
بو حیاتا اوزونی ساتمئیاندی
ملی وارلیق یولون بللی توتاندی
***
علی رحمت هماسی
علی ای رحمت هماسی تاری نین پارلاقی سان
سویوموز ، شیعه لرین اومودونون چیراقی سان
علی ای کعبه بالاسی تانری نین ولی یی سن
عدالت یوللارینین وارلیق لاری ، اورنکی سن
علی ای نبی آرخاسی غزوه لر فاتحی سن
بت سئون قانمازلاری قاندیرماقا سوز دئییر سن
علی ای نبی داوامی امامت بیلدیری سن
سن شهید لر آتاسی عدالته قان وئری سن
ملجم مرادی دیر قالین بئین قرآن دئین
عمرو عاصا قرآنی ملجم اولوب دی اویره دن
گلیب دیر اسلاما خاطر، علی سنی ئولدوره
ائلجه قانمازلارین ایشلری بئله بیلله نه
حکومت باشچی لاری امنییته قان توکوری
گور نئجه عدالتین دوواریندا خیم سوکوری
عدالت دووارلاری سواخ دگیل که سوکوله
طاغوت لار طاغوت لوقوندا بو دووارلار سوکوله
عدالت تانری نین اوز پارلاقی دیر قالاجاق دیر
سویلار اوز دیللرینی نین آیه لرین سالاجاق دیر
علی ای رحمت هماسی تانری نین پارلاقی سان
سویوموز کولتورونون لاپ داواملی دایاقی سان
شیعه دن بحرین ده کیم قان آخیدیر
خلیفه آدینان جنایت سالیر
سویلاردان کولتوری کیم لر یاندیریر
قانمازلار نئجه یانماقا قیزیشیر
علی نن عدالت
ائل گونی رجبین اون اوچی اولوب
فاطمه کعبه نین یانیندا دوروب
فاطمه اسدین حورمتلی قیزی
چاغیریر تانری نی دئییری سوزی
اینامیم وار سنه نبی لرین نن
دوغومی سن منه آساد ائیلیین
بیلله دیب سن اوزون سن نن ایستیین
ایستکه چاتان دیر اولوب سان دئین
یاردیریر کعبه نین دووارین تانری
چاغیریر فاطمه گئدسین ایچه ری
اورتوشور کعبه نین یاریق دوواری
بیتیشیر بیللنمیر نمنه اولایی
هه له ده او یاریق ایزی بللی دیر
دوزه لیش نه اولسا گئنه بیلله نیر
او یاریق مستجار ایندی آدلانیب
یمانی رکنی نه اورا یاپیشیب
ابو طالب اوغلی علی یارانیر
گونش تک پارلاق لیق اوندا سازلانیر
ای ملت علی دیر تانری ائوینده
تانری نین ولی سی وارلیق ئونونده
ایشیقی ساچیلیر وارلیق بویونا
محمد دایاقین باسیر باغرینا
رجبین اون اوچی بئله پاریلدار
عدالت علی نن یولون آچدیرار
کعبه ده دوغولان علی اولوب دی
علی دیر ایلکده اینام سالیب دی
دایاقین علی دن محمد آلیب
غزوه لر علی نن اوستونلوک تاپیب
علی نین سوزلری بیزلره قالیب
بیلیم ده اوچ جوره اولماقین یازیب
دینه فقه ساغلاما دوقتورلوق اولار
گرامر نحو ده دیله ساخلانار
دیللری ساخلاماق یولون ایستیری
علی نین سوزلری وارلیق دئییری
اورمو مارالی 4
آغلار گولر چاتیب دی وارلیق لاری گورسه نیر
داغ دره لر وارلایقین آغلار گولر گولله دیر
بولاق لارین آخیمی ذیروه لردن باشلانیر
آخیم گلیب بوزقیردا نئجه دادی خوشلانیر
اورمو مارالی گلیب ذیروه اوسته دوروب دی
باخیش لارین توشلاری سمالارا چونوب دی
سماداکی بولوت لار باشی اوسته دوروب دی
اوزوک قاشی بو مارال بولوت لارا اولوب دی
سویوموز دا چالیشما اکین لرده باشلانیب
باغ باخچالار ایشلری گوروملوقا خوشلانیب
وار لیق سئون سویوموز ایشلرینه قاتلانیب
اوزوم آلما باغلاری گوزل وارا بویانیب
بوزقیر لارین ایچینده باغ باخچالار بللی دی
ذیروه لردن باخانلار سئوینج گوزه وارلی دی
یوخولاردا قالانلار آلچاق دا اولمالی دی
اورمو مارالی اوستن هر نه نی گورمالی دی
گوزل گوزللیک سئویر ذیروه اوسته دولانیر
گول گووادان رایحه وارلیقینا باغلانیر
وارلیق لارین وارینان گوزل واری ساخلانیر
وارلی لیقدا قالیب دی گوزل آد دا آدلانیر
چوخورلاردا قالمئیب آلچاق لیقا یول سالا
سینیق لیقدا اولمویوب باشی پوزوق ساخلانا
اوز دیلین نن قالمویوب بورج آلتیندا داغیلا
اوزگه سوزون توتمویوب اوز سوزلری یانیلا
اورمو مارالی اوزون اوجا لارا آپاریر
وارلیقینی ذیروه ده گوزلر ئونونه سالیر
اورمو مارلی اوستن سمالارا یول آچیر
بولوت لارین وارینی دادلانماقا چاغیریر
***
ای امام
سن علی نین یولونون پارلاق اولموش اولدوزی سان
سن کرامت واری نین بللی اولموش نشانی سان
سن بو گون دنیا بویی گوجسیز لرین دایاقی سان
سن بوگون کویر اولان قورو یئرلر سولاری سان
ای امام
سن علی تک عدالت حکومت دن آختاریسان
سن اوزون عدالت دن کرامتی یارادیسان
سن زاغا دا قالان لار وارلیقی نین دایاقی سان
سن اوزون عدالتین بللی اولموش بایراقی سان
ای امام
بیر نظر گوزون قیراغین نان بیزیم کولتوره باخ
بیر باخیش گوزون قیراغین نان بیزیم یازقی یا باخ
آنا دیل وارلیقیمیز یازیلمیری بیر بونا باخ
سن ملی وارلیق لارین آیه سینه بیزلرده باخ
نه دئیاخ ، حق یولونی زورچو لارا بلله گینان
بیزیم ملی وارلیقی آیه کیمی گورسد گینان
سویلارین کولتورلارین حق اولماسین تانید گینان
بیر ده سن نظر ائیله عدالتی بلله د گینان
ای امام
سنین کوچمه گونویون ایل دونومی باشلانیری
ارنلر ئولکه میزین هر یئرین نن جوشلانیری
سنی نن گوروش اوچون یول آپارما خوشلانیری
بو عدالت سئوگی سی عدالته توشلانیری
کولتورون عدالتی سویوموزا خوشلانیری
***
ای امام
سن علی نین یولونون پارلاق اولموش اولدوزی سان
سن کرامت واری نین بللی اولموش نشانی سان
سن بو گون دنیا بویی گوجسیز لرین دایاقی سان
سن بوگون کویر اولان قورو یئرلر سولاری سان
ای امام
سن علی تک عدالت حکومت دن آختاریسان
سن اوزون عدالت دن کرامتی یارادیسان
سن زاغا دا قالان لار وارلیقی نین دایاقی سان
سن اوزون عدالتین بللی اولموش بایراقی سان
ای امام
بیر نظر گوزون قیراغین نان بیزیم کولتوره باخ
بیر باخیش گوزون قیراغین نان بیزیم یازقی یا باخ
آنا دیل وارلیقیمیز یازیلمیری بیر بونا باخ
سن ملی وارلیق لارین آیه سینه بیزلرده باخ
نه دئیاخ ، حق یولونی زورچو لارا بلله گینان
بیزیم ملی وارلیقی آیه کیمی گورسد گینان
سویلارین کولتورلارین حق اولماسین تانید گینان
بیر ده سن نظر ائیله عدالتی بلله د گینان
ای امام
سنین کوچمه گونویون ایل دونومی باشلانیری
ارنلر ئولکه میزین هر یئرین نن جوشلانیری
سنی نن گوروش اوچون یول آپارما خوشلانیری
بو عدالت سئوگی سی عدالته توشلانیری
کولتورون عدالتی سویوموزا خوشلانیری
***
شاعیر کیم دیر
دوغما یئری نین توره نیشی
آنا دیلی نین سازلانیشی
دوغما یوردونون اوغلی یا قیزی
دوغما یوردون نان سالاندی سوزی
دوشونجه ده باشقالاردان اوستون دی
بیلدیریشده گوزگو کیمین دوزگون دی
حادثه لر شاعیری نن جانلانیر
حیات لارین قالماسینا بیر ایز دیر
ایشیق لاری یاریر یئریش وئردیریر
ملی بایراق وارلیقدا قوزاداندی
شاعیر اولان شعورا مالیک اولار
گوزگو تکین دویغولارین دوز سالار
شاعیر اولان بیلدیگینی اونود ماز
شرفینی آنا دیلینی ساتماز
سوی لاری نین آغری لارین بیلدیرر
یاشیل یاشیل یاپراق لاری گورسه در
وارلیق اوسته بوداق لارین بلله در
شاعیر اولان دوشونجه نی ایتیلدر
عاطفه نی قایناشدیریب سوزولدر
***
آنا – تایا
ذیروه نین الین نن دنیز یاپیشیر
سئویملی ایستکین ذیروه یه سالیر
گونشین ساچلارین سینه یه آلیر
بیرلیکین سئوگی سی دالغا یارادیر
دنیزلر دالغاسی ذیروه دن گلیر
ترپنمه دالغادا وارلیق بیلله دیر
دالغالار وارلیقی دنیزدن قالخیر
دنیزلر وارلیقی ذیروه دن آخیر
کولتورلر ذیروه سین بیزدن کیم آلیب
تایانی بیزلره آنا کیم دئیب ؟؟
تایادان آنالیق کیم لر بیلله دیب
کیم لرده اوزگه لر وارلیق دئیریلدیب ؟
!
توده لر بوزقیری ذیروه سیز قالیب
توده لر دنیزی ذیروه سیز اولوب
بونجاقی بئله دیر دالغاسیز قالیب
دنیز یوخ دالغا یوخ توده آلدانیب
بو تایا ایشی دیر آلدادیش وئریر
بو تایا اوزگه دیر چونده ریش دئییر
بو تایا گلیب دیر چوندرمه سالا
اصیل بیر آنانین یئرینده قالا !!!
***
کولتور قالمالاری ( میراث فرهنگی )گئچمیش لری بیلله دن وارلیق لاری دئین دی
گئچمیش لرینی بیلن گله جک ده قالاندی
گئچمیش لردن قالانلار ساخلاماقی بیلله دیر
چیخارلیقی سویلاردا اونم لی لیق بلله دیر
گئچمیش لردن قالانلار کیملیک لرین ساخلادار
قانمئیانلار گئچمیشین اوزلرینی اونودار
بوردان سلطه بیلیب دی گئچمیش لری قیردیرا
یا دا آییری بیر آد دا قالمالاری تانیدا
چوخلی سلطه آختاران یارادماقی آختاریر
اوزونه بیر گئچمیش دن قالمالاری یارادیر
چوخلی افسانه لردن فایدالارینی آلیر
اسطوره لر یارادیب اونلارینان آدلانیر
اسطوره لر پایاسین قویور یالان اوستونه
وارلیق لارین بناسین قویور اوزگه بئلینه
اوزگه لردن اوردونی سلطه چی لر سالیر لار
کولتورلرین کولگه سین اوزلرینه آلیر لار
کولتور لردن قالمانی بویاقلادیب دئییر لر
اوزگه لرین کولتورون اوزلرینه وئریر لر
کولتورلرین قالماسی گونش تکین اولاندی
بولوت لارین آلتیندا گونش ده قالمئیاندی
گونش قاباغین توتان فرعون لوقدا اولاندی
فرعون لارین سونلاری دنیزلره باتان دی
سلطه چی لر بیلسین لر اسطوره کوک سالدیرماز
کوک سیز اولان آغاجلار بارلاندیریب ساخلاماز
سویلارین اوز کولتوری قالماسینی بیلله در
وارلیق لارین قالماسین پارلاق اولموش بلله در
قالمالاری کولتورون آرخالیقی سالاجاق
سویوموزون وارلیقین داها پارلاق قویاجاق
کدرلری یاخان لار اوزی اسکیک اولاجاق
حسابدا سایمئیانلار حساب لاردان چیخاجاق
داها هئچ کس دئمیری بیر خالا ئولکه وئرسین
داها سویلار ایسته دیر کولتوری وارلیق دئسین
وارلیقلارین ئولچوسی یارانیشدایازیلیب
وارلیقلاری ساخلاماق یاشاملارا سالینیب
حیوانلار عالمینده ئولچولری بللی دیر
ئولچولرین سینیری حریم لره آدلی دیر
حیوانلار اوز حریمین اوزگه سینه بیلله دیر
حریمی ساخلاماقلیق تهلکه نی دیلله دیر
حیوان حیوانلیقیندا حریم لره اینانیر
حریمی قالماقینا قانلی دویوش یارانیر
گوجسیز اولان حیوانلار اوزلرینی دانمیری
حریمی ساخلاماق لیق سوداسینی آتمیری
دائم خریطه سالیر نئجه اونی ساخلاسین
اوزگه لرین وارلیقین حریمینده کورلاسین
دوشونجه ساحه سینده حریم اونملی زاددیر
دوشونجه لر پایاسی لاپ دا اصیل مواد دیر
بیر حیاتین ایچینه فتنه سالان تانینار
فتنه نی یاتید ماقا وارلیقلاری اودلانار
انسانلارین وارلیقی دوشونجه ینن قالاندی
دوشونجه نی کورلادان فتنه لری سالاندی
ویروس لاری سالدیران دوشونجه یه اولاندی
ویروس لاری تانیماق ایلک آددیم قالاندی
سلطه لرین وارلیقی ویروس آخیم لاری دی
سلطه لری پاک لاماق آخیمین کورلاماقدی
دیل باغینا سلطه لر کولگه لرین سالماسین
آنا دیلی سویلاردان ویروس لارا قالماسین
آنا دیلین حریمی ازل گوندن یازیلیب
حریمینی یاندیران اوزونه آلاو آچیب
انسانلارین حریمین شهیدلری ساخلادار
سلطه لرین وارلیقی شهید لری اونودار
یاشاملارا حیاتی شهید قانی پایلادار
شهید دئری قالاندی تانریدان ایلغار آلار
***
دانیشیقین یوللارین نییه سالان اولمادی!
آزادلیقین قایداسین نییه یازان اولمادی!
عدالتین بایراقی نییه اسن اولمادی!
حق آختاران کیمسه لر نییه اوزه چیخمادی!
فاطمه نین فدکی نییه اوندا قالمادی!
عدالتده اورتالیق ئولکه نییه سالمادی!
کیمسه زوری چوخ اولدی آلدادمانی باشلادی
سوی لارین وارلیقلاری اللرینده قالمادی
دوشوندورن سویلاری وارلیقیندا اولمادی
یزیدی لر یوللارین نییه دوز یول توتمادی
هر کیم ده زور چوخ اولدی زور ساخلاما ایسته دی
مظلوملاری یاراد دی ظولمی اوزی قوزادی
دوشونجه لر باغینا آلاو سالان چوخالدی
دوشوندورن باغلاری گوزلردن گیزلین سالدی
انسانلیقا خیانت طاغوت لارین یولی دی
طاغوت لاری سیندیران موسی نین دا اوزی دی
فرعون ایستیر موسی نین کوکون وارلیقدان قازا
فرعون ایستیر اوزونی وارلیق لارینان یازا
آمما مگر عدالت سئون تانری اولمویوب ؟
مظلوملارین آرخاسی تانری اوزی قالمویوب؟
سویلارین کولتورلری طاغوت لاردان اودلانیر
خاتون قادین باغلاری نییه آلاودا یانیر ؟
دار باخیشلی اولانلار دانیشیقدان قاچارلار
دانیشیقدان قاچان لار سوز باغلارین بیچر لر
***
